Тўрақўрғон туманида Ўзбекистон Республикаси Президенти Админстрацияси ҳузуридаги Ахборот ва оммавий коммуникациялар Агентлиги Алишер Навоий номидаги Ўзбекистон Миллий Кутубхонаси Тўрақўрғон Ахборот- кутубхона маркази 2020 йил январ ойидан ўз фаолиятини бошлайди.
Манзил: Тўрақўрғон шаҳар
Туркистон МФЙ
Наманган кўча
Мўлжал : 2- мактаб йўлида
Hurmatli Toraqo’rg’on akademik litsey Axborot-resurs markazidan foydalannuvchi kitobxonlar.
Akademik litsey faoliyati yakunlangani sababli kutubxona vaqtincha filial binosida faoliyat yurityapti.
Manzil: Turkiston MFY. Namangan ko’cha.(Sobiq Ibrat jamoa xo’jaligi binosi)
Ўзбекистон Республикаси Президентининг қарори 07.06.2019 йилдаги ПҚ-4354-сон «Ўзбекистон Республикаси аҳолисига ахборот-кутубхона хизмати кўрсатишни янада такомиллаштириш тўғрисида»ги қарорига асосан
ўрта махсус, касб-ҳунар таълими муассасалари қошида фаолият кўрсатаётган барча ахборот-ресурс марказларини тугатилди ва
ўрта махсус, касб-ҳунар таълими муассасаларининг тугатилаётган ахборот-ресурс марказларининг китоб фондлари ва штат бирликларини янгидан ташкил қилинаётган туман (шаҳар) ахборот-кутубхона марказларига берилди
БизнингТўрақўрғон академик лицей Ахборот — ресурс маркази ҳам фаолиятини якунлади.
Китобхонларимиз янги ташкил этиладиган янги Туман Ахборот- кутубхона марказига ташриф буюришларингиз сўралади.
Манзилимиз: Туркистон МФЙ собиқ «Ибрат» жамоа хўжалиги биноси.
Мўлжал: Наманган кўча.»Туркистон» МФЙ участка нозирининг яшаш уйи олдида.
2019 йил 6 июн куни Ахборот- ресурс маркази ўқув залида Ёшлар маънавиятини юксалтириш, уларнинг бўш вақтини мазмунли ташкил этиш бўйича 5 та муҳим ташаббус ижросини таъминлаш мақсадида “Китобсиз келажак йўқ” мавзусида суҳбат ўтказилди.
Суҳбатни Электрон ахборот-ресурс технологиялар бўлими етакчи мутахассиси Кифоятхон Мирзакбарова олиб борди.У сўзини Президентимизнинг қуйидаги сўзлари билан бошлади: “Китобсиз тараққиётга, юксак маънавиятга эришиб бўлмайди”.
Шундан сўнг у ўқувчиларга буюк инсонлар, доноларнинг китоб ҳақидаги фикрларини сўзлаб берди.
Жумладан:
Бекон китобга шундай таъриф берган экан: «Китоблар замон тўлқинларида сузувчи ва ўзининг қимматбаҳо юкини авлодлардан-авлодларга авайлаб элтувчи тафаккур кемаларидир».
Русларнинг буюк ёзувчиларидан бири бўлган Чехов эса китобни сўнмас зиёга ўхшатиб шундай деган: «Китоблар қаршисида жамики нарсалар нурсиз бўлиб қоладилар».
Дидро айтганидек: «Одамлар ўқишдан тўхташлари билан фикрлашдан ҳам тўхтайдилар».
Фатҳ Мусалий эса китоб ўқиш, илм олишга тарғиб этиб шундай деганлар: «Касалга обу таом берилмаса, ўладими?» – деб сўрадилар. Атрофдагилар: «Ҳа, ўлади», – дейишди. Айтдилар: «Қалбга ҳам уч кун илм берилмаса, ўлади». Демак, илм- бу қалбнинг озуқаси.
Муоз ибн Жабал эса илмга шундай таъриф берганлар: «Илм танҳоликда ҳамроҳ, хилватда дўст, тўғри йўл кўрсатувчи далил, хурсандлиг-у хафалик пайтда кўмакчи, дўстлар олдида вазир, бегоналар олдида яқин дўст ва жаннат йўлининг минорасидир».
Муҳаммад соллаллоҳу алайҳи ва саллам илмни талаб қилиш вожиблигини айтиб, «Илмни талаб қилиш ҳар бир мусулмонга фарз»,дея таъкидлаганлар.
Китоб ўқишлик, илм олишлик Аллоҳнинг амри, Расулуллоҳ соллаллоҳу алайҳи ва салламнинг суннатлари бўлишлиги билан бир қаторда, китоб ўқишликнинг кўпгина фойдали жиҳатлари ҳам мавжуддир. Қуйида уларнинг бир нечтасини санаб ўтамиз:
1. Атиги 6 дақиқа китоб мутолаа қилишлик асабни тинчлантиради.
2. Эмори университети олимлари тадқиқотлари натижасига кўра, айнан китоб ўқиш миядаги асаб толалари сонининг ошишига ёрдам беради
3. Инсонларни яқиндан тушуниб, қалб кечинмаларини англашга, ҳар қандай мавзуда қизиқарли суҳбат олиб бориш имконини беради.
4. Статистик маълумотларга қараганда умуман китоб ўқимайдиган инсонларнинг 43 фоизи қашшоқликда яшар экан, китоб ўқийдиган кишиларнинг эса атиги 4 фоизи қашшоқликда яшайдиганлар сафига кирар экан.
5. Мутолаа яхшиликка ундайди ва ёмонликдан қайтаради. Шу билан жиноятчиликни олдини олишга ёрдам беради.
Эдуар Лабуле эса: «Тараққиётнинг умумий кўламида ҳар бир халқнинг ўрни ўша халқ ўқиётган китобларнинг сони билан белгиланади», — деган
Ўтган асрнинг машҳур адибларидан бири Ҳерман Ҳесси китоб мутоаласи ҳақида шундай ёзади: «Шунчаки дам олиш, вақт ўтказишни истаган ва «ўқимишли» бўлиш ҳақидагина қайғурган китобхон китобдаги дилни покловчи, кишини руҳлантирувчи қандайдир номаълум бир кучни сезади. Бироқ бу кучни у аниқ тасаввур этолмайди ва баҳолай ҳам олмайди. Бундай китобхон тиббиётдан мутлақо бехабар беморга ўхшайди, яъни айнан қайси дори кераклигини тушунмасдан, ҳар бир қутичадагидан татиб кўра бошлайди. Аслида мутолаа борасида ҳам ҳар бир киши ўзи учун зарур бўлган, янги куч ҳамда руҳий таъсир бахш этадиган китобларни топа билиши керак эмасми?».
Файласуф Леббон: «Боболаримиз китоб топишга қийналар эдилар: ҳозир эса биз китоб танлашга қийналамиз. Мутолаа учун жуда зийрак бўлмоқ керак» — деган бўлса, машҳур рус адиби Борис Пастернак «Буюк китобхонлар пайдо бўлгандагина буюк адабиёт пайдо бўлади» деб таъкидлаган.
Шундай экан китоб ўқинг, билим даражангиз ошсин, маънавиятингиз юксалсин дея тилак билдирган холда суҳбат якунланди.
Суҳбатга фаол китобхонлардан 18 нафари иштирок этди
Суҳбатда келтириб ўтилган донолар фикрлари интернетдан олинган маълумотлар асосида тайёрланилди.
Ахборотлаштирди
ЭАРТБ етакчи мутахассиси: К.Мирзакбарова
Маълумки, давлатимз раҳбари ижтимоий, маънавий-маърифий соҳалардаги ишларни янги тизим асосида йўлга қўйиш бўйича 5 та муҳим ташаббусни илгари сурган эди.
Tўрақўрғон академик лицей Ахборот ресурс маркази, «Республика ёшлар маркази» Наманган вилояти Тўрақўрғон туман бўлинмаси, Ўзбекистон ёшлар иттифоқи туман Кенгаши билан ҳамкорликдаЁшлар маънавиятини юксалтириш ва уларнинг бўш вақтларини мазмунли ташкил этиш бўйича 5 та муҳим ташаббусдан 3 ва 4 ташаббуснинг ижросини таъминлаш мақсадида «Электрон китобми ёки…?» мавзусида баҳс мунозара ташкиллади.
Учинчи ташаббус аҳоли ва ёшлар ўртасида компьютер технологиялари ва интернетдан самарали фойдаланишни ташкил этишга қаратилган.
Тўртинчи ташаббус ёшлар маънавиятини юксалтириш, улар ўртасида китобхонликни кенг тарғиб қилиш бўйича тизимли ишларни ташкил этишга йўналтирилган.
Ушбу дебат тўгарак аъзолари ва Академик лицей ўқувчилари иштирокида ўтказилди. Китобни компьютерда ўқиш қулайми ёки китобни асл нусхада ўқиш афзалми? деган саволга ҳар бир ўқувчи ўз фикрини билдирди. 16 нафар ўқувчи ёшлар иштирок этган дебат қизғин мунозара тарзида ташкил этилди.
Ахборотлаштирувчи
ЭАРТБ етакчи мутахассиси: К.Мирзакбарова
O`zbek adabiyotimizda shunday buyuk siymоlarimiz bоrki ularning nоmlari va ularning yozgan asarlari asrlar davоmida unutilmaydi. Ana shunday adiblarimizdan biri O`zbekistоn xalq yozuvchisi Abdulla Qodiriydir.
2019 yil 10 aprel kuni Akademik litsey Axborot –resurs markazida Buyuk o’zbek adibi Abdulla Qodiriy tavalludining 125 yilligiga bag’ishlab suhbat o’tkazildi.
ARM rahbari Zuxraxon Vagapova tadbirni ochib berdi.
U oz so’zida:
Ushbu tadbirni o`tkazishimizdan maqsad, Abdulla Qodiriy adabiy merоsini chuqur o`rganish, uning bоy adabiy xazinasidan bahramand bo`lish, uning insоn sifatidagi Vatanga , xalqqa bo`lgan e`tiqоd va sadоqatini hоzirgi avlоdga yetkazishdir.Shu bilan birga, yosh avlоd оngiga vatanparvarlik, insоniylik, fidоiy, chin muhabbat singari fazilatlarni singdirishdan ibоrat.- dedi
Axborot-resurs markazi Elektron axborot-resurs texnologiyalari bo’limi yetakchi mutaxassisi Kifoyatxon Mirzakbarova adib asarlari haqida ma’lumot berib, kitoblarga bibliografik sharh berdi.
Abdulla Qodiriyning ijodiy faoliyati haqida ARM xodimi Soliyaxon Axmedova yig’ilganlarni tanishtirdi:
Ulkan iste’dod egasi Abdulla Qodiriy 1894 yili 10 aprelda Toshkentda bog‘bon oilasida tug‘iladi. U dastlab musulmon maktabida, keyin rus-tuzem maktabi hamda Abulqosim shayx madrasasida ta’lim oladi; Moskvadagi adabiyot kursida o‘qiydi. 1917 yilgi oktyabr oyidagi davlat to‘ntarishidan so‘ng Eski shahar oziqa qo‘mitasining sarkotibi, “Oziq ishlari” gazetasining muharriri, kasabalar sho‘rosining sarkotibi, “Mushtum” jurnali tashkilotchilaridan biri sifatida ijtimoiy hayotga faol aralashadi. Uning asarlari vaqtli matbuotda Julqunboy, Ju-boy, Dumbulboy, Dumbulnisa, Kalvak Mahzum, Toshpo‘lat tajang, Ovsar kabi o‘nlab maxfiy imzolar bilan bosilib turadi.
Garchand adib original asarlar yozib, o‘z xalqining ma’naviyati xazinasini bebaho durdonalar bilan boyitayotgan bo‘lsa ham, mustabid tuzum malaylari uni dushmanlikda aybladi. Abdulla Qodiriy manglayiga qatag‘on qurbonlari silkiga tizilishdek bir qismat bitilgan ekan. Adib 1937 yil 31 dekabr kuni hibsga olinib, 1938 yil 4 oktyabrida xalq dushmani sifatida qatl etiladi.
307 rux o’quvchilari o’quvchilari adib asaridan sahna ko’rinishi namoyish etishdi.
Suhbat qiziqarli tarzda o’tdi suhbatga 25 nafar kitobxon ishtirok etdi
Axborotlashtirdi
ARM yetakchi mutaxassisi: K.Mirzakbarova
2019 yil 2 aprel kuni litseyda kitobxonlar o’rtasida boshlangan ko’rik tanlovning yakuniy bosqichi o’tkazildi.
Tanlov belgilangan nizom asosida 4 shart bo’yicha o’tkazildi.
Tanlovda 307 guruh o’quvchisi Abdullayeva Madina 1 o’rinni egalladi
Zahro Bositxon qizi II o’rin
Yoqubov Jamshid III o’rinni egalladilar
Ishtirokchilar maqtov yorliq va kitob sovg’a oldilar
2019 yil mart oyida «eng faol kitobxon» ko’rik tanlovining litsey bosqichi o’tkazildi.Guruxlar bo’yicha o’tkazilgan «Eng faol kitobxon guruh» nominatsiyasida 302 guruh o’quvchilari g’olib deb topildilar.Tanlovining saralash bosqichi yakunlandi, 2-aprel kuni «Eng faol kitobxon» aniqlanadi.
ONA
Eng ulug’lardan ulug’ insonlar insoni ona!
Oyu kundan ham munavvar husni nuroniy ona!
Mehribonlar mehriboni yaxshilarning yaxshisi,
Mehru shafqat olamining yuksak osmoni ona!
Garchi nomidir ayolu qudratidir bemisol,
Tarbiyat mulkin zabardast mardi maydoni ona!
Qalbi daryo, oliyhimmat, har saxiydan ham saxiy,
Ya’ni g’amxo’rlik diyorin toza vijdoni ona!
Bag’ri bog’ sahniyu, farzand sunbulu rayhonu gul,
Bu hayot dunyosining eng katta bog’boni ona!
Arzimas bir jon uni ming jon fidosi bo’lsa ham,
Sadqai farzandlarin har lahza qurboni ona!
Onadek farzandin qadriga yetar olamda kim?
Har qadrdondan qadrdonroq qadrdoni ona!
Yaxshi farzand onasin aylar rizo, aylar rizo,
Davlati ham baxti ham, darmoni ham joni ona!
Onajon deb sayragay qushlar chamanda, Chustiyo,
Sayragin bulbul dilimning she’ru dostoni ona!
2019 yil 25 yanvar kuni ARM o’quv zalida adib O’lmas Umarbekov tavalludining 85 yilligiga tadbir o’tkazildi.
Adib hayoti va ijodi bilan ARM yetakchi mutaxassisi Kifoyatxon Mirzakbarova tanishtirdi.
«O’lmas Umarbekov serqirra ijodkor» deb nomlangan ko’rgazmaga yetakchi mutaxassis Xayrixon Xomidova bibliografik sharx berdi.
Faol kitobxonlar tomonidan adib qalamiga mansub asardan sahna korinishi tayyorlandi.
Tadbir qiziqarli o’tdi.